"Манчестер Юнайтед"нинг собиқ ярим ҳимоячиси Андерсон деярли бир йил давомида Криштиану Роналдунинг уйида яшаганини айтди.

"Келишим билан Криштианунинг уйига бордим. Мен ундан жуда миннатдорман. У бизни боқди. Биз деярли бир йил Роналдунинг уйида яшадик. Биз кетишни хоҳлаганимиз учун кетдик. Биз ҳеч нарса сарфламадик. Роналду бизни машғулотларга олиб борди, овқатлантирди, бизга ошпаз ёллади. Уйнинг ичида ва ташқарисида сузиш ҳавзаси, жакузи ва теннис корти бор эди", - деди собиқ футболчи Globo Esporte билан суҳбатда.

Португалиялик футболчи 2016 йилда айтганидек, Андерсон Роналдунинг уйида "Манчестер Юнайтед" вингери Нани билан бирга яшаган.

Андерсон 2007 йилда 31,5 миллион евро эвазига "Порту"дан "Манчестер Юнайтед"га ўтган эди. Бразилиялик футболчи "манкунианликлар" сафида 181 та ўйин ўтказиб, 9 та гол урди ва 20 та голли узатмани амалга оширди.