Ўзбекистон футзал терма жамоаси Бокудаги халқаро турнирни мағлубият билан бошлади.

12 февраль куни Бокудаги «Спорт» мажмуасида футзал бўйича VI халқаро турнирга старт берилди. Мусобақанинг «В» гуруҳидан жой олган Ўзбекистон терма жамоаси 1-тур учрашувида мезбон - Озарбойжон терма жамоасига имкониятни бой берди. Озарбойжонликлар мазкур турнирда иккита терма жамоа билан қатнашаётганлиги ҳақида хабар берган эдик. Ўзбекистон футзалчиларига Озарбойжон 2 терма жамоаси «В» гуруҳида рақиблик қилди.

Учрашув жуда қизғин курашларга бой бўлди ва унда Озарбайжон терма жамоаси 2:1 ҳисобида ғалаба қозонди. Мезбонлар дарвозасига киритилган ягона гол Артур Юнусов ҳисобига ёзилди. Ўзбекистонлик футзалчилар турнирдаги иккинчи учрашувини 14 февраль куни Беларусь терма жамоасига қарши ўктазади.

Куннинг иккинчи учрашувида Озарбайжон 1 терма жамоаси Латвия терма жамоаси футзалчиларини 6:1 ҳисобида мағлубиятга учратди.

12 февраль, сешанба
ЎЗБЕКИСТОН - ОЗАРБОЙЖОН-2 - 1:2 (1:1)
Голлар: Годжаев (0:1), Юнусов (1:1), Фарзиев (1:2)
Ўзбекистон: Рустам Умаров, Олег Тукмаков, Нодир Элибоев, Константин Свиридов, Мақсуд Файзуллаев, Шухрат Тижибоев, Дилшод Ирсалиев, Олег Холмуҳамедов, Ғулом Мамажонов, Даврон Чориев, Жамолиддин Шарипов, Фарход Абдумавлонов, Артур Юнусов, Дилдош Рахматов.

Озарбойжон-2: Эльнур Заманов, Интигам Бабаев, Вахиб Годжаев, Турал Гурбанов, Руфат Балакишиев, Радик Ахмедов, Эльвин Гулиев, Заур Фарзиев, Аскер Абасов, Фарид Атакишиев, Иса Атаев, Хикмет Багиров.