"Ливерпуль" бош мураббийи Юрген Клопп "Арсенал"га қарши якшанба куни бўлиб ўтадиган ўйин учун таркиб танлаши ҳақида гапирди. Немис ихтиёрида кўплаб футболчилар борлигидан хурсанд.
"Таркиб танлаш? Бу муаммо эмас. Бу мавсумда бизда биринчи марта ҳашаматли муаммо бор. Бизда турли позицияларда ўйинчилар кўпроқ. Бу умуман муаммо эмас. Тез орада биз ҳар уч кунда ўйин ўтказишимиз керак, шунинг учун барча футболчилар яхши формада бўлиши керак. Мавсум давомида жароҳатлар кўп бўлди. Футболчиларнинг сафга қайтиши яхши", - деди Клопп матбуот анжуманида.
"Ливерпуль" навбатдаги ўйинини 4 февраль куни сафарда "Арсенал"га қарши ўтказади.
