"Челси" бош мураббийи Маурисио Почеттино қишки трансфер ойнаси ҳақида фикр билдирди.
“Менимча, ҳамма нарса тинч ва осойишта эди. Бугун мен испан радиосида тингладим, назаримда, бир йил олдин Премьер-лига клублари деярли бир миллиард сармоя киритган. Ва бугун, эҳтимол, биз 80 миллион ҳақида гапирамиз. Премьер-лига ва Чемпионшипда бу сафар бозор тинч бўлди.
Броя кетяптими? Менимча, у кўпроқ ўйнай олгани яхши. Умид қиламанки, у бундан фойдалана олади.
Биз ҳужумчи билан шартнома имзоламадик? Менимча, Нкункуни тикланиши биз учун муҳим. Қолаверса, бугун Николас Жексон Африкадан қайтди. Биз билан Дейвид Вашингтон борлигини унутманг. Менимча, бизда ҳужумда етарлича имкониятлар бор”, - деди Почеттино матбуот анжуманида.
