Март ойида Италия терма жамоаси 2024 йилги Европа чемпионатига тайёргарлик доирасида иккита ўртоқлик ўйини ўтказади. Лучано Спалетти шогирдлари 21 ва 24 март кунлари мос равишда Венесуэла ва Эквадорга қарши майдонга тушади. Бу учрашувларнинг биринчисига Форт-Лодердейл, иккинчисига эса Харрисон мезбонлик қилади. Италия терма жамоаси 19 йиллик танаффусдан сўнг, Италия футбол федерацияси томонидан кўрсатилишича, АҚШда ўйнайди.

Эслатиб ўтамиз, Италия терма жамоаси июнь-июль ойларида Германияда бўлиб ўтадиган Евро-2024 мусобақасида иштирок этади. “Скуадра Адзурра” кубокни ҳимоя қилади – сўнгги Европа чемпионати финалида италияликлар 1:1 ҳисобидаги дурангдан сўнг Англияни пенальтилар сериясида мағлуб этишганди.