Орельен Тчуамени дисквалификация туфайли "Реал"нинг "Атлетико"га қарши ўйинини ўтказиб юборади.
24 ёшли франциялик футболчи “Хетафе”га (2:0) қарши ўйиннинг 92-дақиқасида қўполлик ишлатгани учун бош ҳакам Рикардо де Бургос Бенгоэчедан сариқ карточка олди.
Ҳозирда Орельеннинг Ла Лигада бешта огоҳлантириши бор, бу эса автоматик равишда дисквалификацияга олиб келади.
Мадрид апелляция берди, бироқ Испания Қироллик футбол федерацияси (RFEF) Рақобат қўмитаси "Лос Бланкос"нинг шикоятини рад этди.
Эътибор беринг, Тчуамени Карло Анчелотти жамоасида ҳимоя марказида ўйнаши мумкин эди. Антонио Рюдигер жароҳат олгани сабабли, клуб дербида битта марказий ҳимоячи Начо Фернандес билан қолиши мумкин.
Мадриднинг “Реал” клуби 4 февраль куни “Атлетико”га қарши баҳс олиб боради.
