"Ювентус" "Лацио" ярим ҳимоячиси Фелипе Андерсоннинг трансфери устида ишламоқда.
30 ёшли бразилиялик вингернинг римликлар билан шартномаси 30 июн куни якунига етади. Туринликлар Фелипени текинга ўз сафига қўшиб олмоқчи.
Яқин кунларда "Ювентус" Андерсоннинг агенти сифатида ишлайдиган синглиси билан қўшимча алоқаларни режалаштирмоқда.
Шу билан бирга, футболчига “Лацио”дан янги шартнома таклифи бор, унинг маоши йилига 3,5 миллион евро, бонуслар ҳам бор.
Фелипе Андерсон жорий мавсум А Сериянинг 21та ўйинида 2та гол урди ва 6та голли узатмани амалга оширди.
