Журналист ва инсайдер Фабрицио Романо "ПСЖ" ҳужумчиси Килиан Мбаппенинг "Реал"га ўтиши ҳақидаги миш-мишлар доирасида унинг келажаги ҳақида фикр билдирди.
"Парда ортида "Реал Мадрид" жуда қаттиқ ишламоқда ва Килиан Мбаппе билан шартнома имзолаш учун музокаралар олиб бормоқда. "Реал Мадрид буни бошлади" - , деди Романо ижтимоий тармоқда. Шунингдек, инсайдернинг қўшимча қилишича, "ПСЖ" ва "Реал Мадрид" яқин орада франциялик футболчининг қарорини кутишмоқда.
Жорий мавсумда Мбаппе клуб сафида барча турнирларда 28 та ўйин ўтказиб, 29 та гол урди ва 7 та голли узатмани амалга оширди. Transfermarkt интернет порталига кўра, футболчининг тахминий баҳоси 180 миллион еврони ташкил қилади.
Олдинроқ томонлар Килиан Мбаппенинг маоши миқдори ва келишувнинг молиявий томони борасида келиша олмагани хабар қилинганди.
