“Манчестер Сити” клубининг норвегиялик ҳужумчиси Эрлинг Холанднинг менежерлари ўз мижози учун янги клуб танлашга қарор қилишди.
Sky Sports хабарига кўра, норвегияликнинг вакиллари у фаолиятини "Реал"да давом эттириши керак, деб ҳисобламоқда.
Холанднинг ўзи ҳам индивидуал совринлар соҳиби бўлиш учун "Реал"га ўтиш зарурлигини кўраётгани аввалроқ хабар қилинганди. Норвегиялик футболчини бундай қарорга келишига сабаб бўлган муҳим воқеа The Best FIFA Football Awards 2023 тақдирлаш маросими бўлди, унда “Интер Майами” ҳужумчиси Лионель Месси 2023 йилнинг энг яхши футболчиси деб топилди.
Эрлинг Холанд жорий мавсумда клуб сафида 23 та ўйинда майдонга тушиб, 19 та гол урди ва 5 та голли узатмани амалга оширди.