Аралаш яккакураш жангчиси Усмон Нурмагомедовнинг менежери Ризван Магомедов мижози навбатдаги жангини ҳамюрти Александр Шаблия билан ўтказишини айтди.
“Усмон камарини ёзга яқинроқ Шаблияга қарши ҳимоя қилади. Биз бу жангга профессионал нуқтаи назардан қарашимиз керак. Мен бу жангни кўрганимдан унчалик хурсанд эмасман, лекин бу бизнеснинг ҳақиқати”, — дея Магомедовнинг сўзларини келтиради ТАСС.
Эслатиб ўтамиз, Калифорния штати атлетика комиссияси (CSAC) россиялик жангчини антидопинг қоидаларини бузгани учун олти ойга дисквалификация қилган эди.
Спортчи ҳисобида 17 та ғалаба бор, бирорта ҳам мағлубият йўқ. Яна бир жанг ҳақиқий эмас деб топилган. Шаблия ҳисобида 24 ғалаба ва учта мағлубият бор.
