Мадриднинг “Реал” клуби марказий ҳимоячиси Aнтонио Рюдигер Испания чемпионати доирасида “Сантьяго Бернабеу”да бўлиб ўтадиган “Aтлетико”га қарши дербида иштирок этмоқчи.

Marca хабарига кўра, немис футболчиси жароҳатига қарамай жамоасига "матрасчилар" билан ўйинда ёрдам беришни жуда хоҳлайди.

Футболчи сон соҳасида оғриқни бошдан кечиради, аммо бу унга ҳаракат қилиш имконини беради. Ҳимоядаги кадрлар билан боғлиқ муаммолар туфайли Рюдигер "Aтлетико" билан ўйинга асосий таркибда кириши мумкин.

Эслатиб ўтамиз, Давид Aлаба ва Эдер Милитао тиззасидаги хоч боғламлари жароҳатидан фориғ бўлишмоқда.