"Реал"нинг собиқ футболчиси Эден Азар "Қироллик клуби"да ишончни аста-секин йўқотганини айтиб берди.

"Бир куни эрталаб тўпиғимдаги катта шишиқ билан уйғониб кетдим. Менда инфекция бор эди ва операция керак эди. Қайта тикланганимдан кейин шартномам тугашига икки йил қолганди. Мен ўзимни олдинга силжитдим, лекин ҳеч нарса содир бўлмади. Аввал асосий таркибдаги ўрнимни, кейин ўзимга бўлган ишончни, кейин эса ўйнаш истагини йўқотдим. Мен авваллари тўпни олиб қўя олмаганим учун рақибнинг оёғига тепган йигит эдим. Кейин эрталаб оғриқ билан уйғонадиган одамга айландим. Сабабини тушунишни истардим, аммо тушуна олмадим", - деди Азар L’Equipe билан суҳбатда.