Мадриднинг "Реал" клуби бош мураббийи Карло Анчелотти "Барселона" президенти ва мураббийининг танқидларига жавоб беришдан бош тортди.
Аввалроқ, "кўк-анорранглилар" вакиллари ҳакамлар "Реал"га ёрдам бераётганига шаъма қилганди.
"Хави ва Лапортанинг ҳакамлар "Реал"га ёрдам бераётгани ҳақидаги сўзлари? Испания футболини ҳурмат қилганим учун бу даражага тушмайман. Мендан буни сўраманг", - деди Анчелотти матбуот анжуманида.
Эслатиб ўтамиз, Хави сўнгги матбуот анжуманида "Реал" фойдасига баҳсли қарорларни ҳатто кўр одам ҳам кўра олади" деган эди.
Эслатиб ўтамиз, “Барселона” устози мавсум якунида ўз лавозимини тарк этади.
