Вингер Рафинья яқин келажакда "Барселона"ни тарк этиши мумкин.
Relevo нашри хабарига кўра, Каталония клуби молиявий аҳволи оғирлиги сабабли Рафинья билан хайрлашишга тайёр. Бразилиялик футболчининг трансфери каталонияликларга иқтисодий аҳволини яхшилашга ёрдам бериши мумкин.
Шу билан бирга, Рафиньянинг ўзи "Барселона"да қолишни хоҳлайди. Илгари, Рафиньянинг Англияда бир нечта вариантлари борлиги ҳақида маълумот пайдо бўлди.
27 ёшли бразилиялик футболчига Саудия Арабистонидан ҳам қизиқишлар бор. Transfermarkt Рафиньяни 50 миллион еврога баҳоламоқда.
2023/2024 йилги мавсумда Рафинья "Барселона" сафида 20 та ўйинда майдонга тушган. Уларда бразилиялик футболчи тўртта гол урди ва еттита голли узатмани амалга оширди.
