"Реал"нинг ўнг қанот ҳимоячиси Лукас Васкес "Сантьяго Бернабеу"да қолиш умидини узгани йўқ. The Athletic хабарига кўра, "қироллик клуби" ҳали футболчига янги шартнома таклиф қилмаган, бироқ Лукаснинг ўзи Карло Анчелотти жамоасида қолишни истайди.
Манбанинг хабар беришича, Васкес "Реал"дан янги шартнома бўйича таклифни сўнгги дақиқагача кутиш ниятида. Эслатиб ўтамиз, испанияликнинг амалдаги шартномаси жорий мавсум охирида якунига етади.
Қайд этилишича, ўтган ёзда А Серия клублари Васкесни қўлга киритишга ҳаракат қилишган. Эҳтимол, 32 ёшли ҳимоячи кейинги мавсумда Италияга йўл олиши мумкин.
