Мюнхеннинг “Бавария” клуби марказий ҳужумчиси Харри Кейн Германия чемпионатининг 21-турида “Байер”га қарши бўлиб ўтадиган ўйин ҳақида фикр билдирди.
“Охирги баҳсларда биз энг яхши ўйин кўрсата олмадик. Aммо рақибларимиз аъло даражада ўйин кўрсатганини таъкидлаш жоиз.
Шанба куни бизни қийин синов кутмоқда. Биз бу курашда иштиёқ кўрсатишимиз керак. Биз буни қиламиз", - дея ҳужумчининг сўзларини келтиради Bild.
Бундеслиганинг 20-тури натижаларига кўра, "Бавария" 50 очко жамғариб, турнир жадвалида иккинчи ўринда бормоқда. Томас Тухель шогирдлари пешқадам “Байер”дан икки очко ортда қолмоқда.
