"Арсенал" бош мураббийи Микель Артета "Ливерпуль" устози Юрген Клоппнинг Премьер-лигадаги роли ҳақида фикр билдирди.
4 февраль куни “канонирлар” АПЛнинг 23-тури доирасида “Ливерпуль”ни қабул қилади. Баҳс Тошкент вақти билан 21.30 да бошланади.
"Очиғи, унинг кетиши катта йўқотиш бўлади деб ўйлайман. У илҳомлантирувчи ва ҳақиқатан ҳам жозибали ўйин услубини сингдирди. Биз уни соғинамиз, лекин ҳозирча у шу ерда”, - дея Артета сўзларини келтиради “Арсенал” расмий сайти.
Клопп 26 январь куни "Ливерпуль"ни тарк этишини эълон қилди. У мавсум якунида жамоани тарк этади.
