Россиянинг Спорт 1 телеканали «Манчестер Юнайтед» устози сэр Алекс Фергюсоннинг инглиз телеканалларидан бирига берган интевьюсини эфирга узатди. Мураббийнинг айтган бир қатор сўзлари эътиборни ўзига тортди.

Сэр ҳозирги ва ўзининг ёшлигидаги футболни солиштирар экан шундай дейди: «Бугунги футбол жуда ривожланиб кетди. Ҳамма борада профессионаллик устун. Мен футбол ўйнаган вақтимда барчаси бошқача эди. Айниқса, овқатланиш жараёнини табассум билан эслайман. Турмуш ўртоғим стадионга мен учун тушлик олиб келар эди. У жуда пазанда эди, шунинг учун турли пишириқларни олиб келишидан дўстларим ҳайратга тушарди. Бундай тушликдан сўнг табиийки мендан яхши ўйин кутишарди.

Бугун эса барчаси бошқача. Футболчилар жуда яхши овқатланишади. Бу борада махсус кишилар иш олиб боришади. Машғулотларда ва ўйин давомида ҳам витаминлар танаввул қилишади. Бир сўз билан айтганда футбол ривожланиб кетди»,- дейди мураббий.