Осиё футбол конфедерацияси талқинига кўра Осиё Кубоги мусобақасининг чорак финал ўйинларининг рамзий жамоаси эълон қилинди.

Таркибдан Ўзбекистон терма жамоаси футболчиси Одилжон Ҳамробеков ўрин олди. Одилжон Қатарга қарши баҳсда ўз ҳисобига гол ёздириб қўйганди.

Пенальтилар сериясида ўзбекистонликларнинг 3 та зарбасини қайтарган Қатар посбони Мешаал Баршам ҳам рамзий жамоага киритилди.

Дарвозабон: Мешаал Баршам (Қатар);

Ҳимоячилар: Абдуллоҳ Насиб (Иордания), Лукас Мендес (Қатар). Сеол Ёнг Ву (Жанубий Корея);

Ярим ҳимоячилар: Алиризо Жаҳонбахш (Эрон). Ҳидемаса Морита (Япония), Муҳаммад Муҳибий (Эрон), Одилжон Ҳамробеков (Ўзбекистон).

Ҳужумчилар: Сон Ҳён Мин (Жанубий Корея), Сардор Азмун (Эрон), Крейг Гудвин.