Испания Ла Лигасининг 23-турида “Реал” 4 февраль, якшанба куни “Атлетико”га қарши баҳс олиб борди.

Учрашувнинг 20-дақиқасида “Реал”нинг ажойиб комбинациясини Браим Диас гол билан якунлади. Биринчи бўлим “қаймоқранглилар”нинг минимал устунлигида якунланди.

Иккинчи бўлимда эса жамоалар хавфли ҳужумлар уюштиришни давом эттирди. Бироқ, ҳакам қўшиб берган дақиқаларда Льоренте боши билан Лунин қўриқлаётган дарвозани ишғол қилди ва ҳисобни тенглаштирди. Учрашув дуранг натижа билан якунланди.

Карло Анчелотти жамоаси дуранг натижага қарамасдан, 58 очко билан мусобақа пешқадами сифатида қолмоқда. Диего Симеоне шогирдлари эса 48 очко билан кучли тўртликни якунлаб турибди.

Ла лига, 23-тур баҳси
4 февраль, якшанба
“Реал” – “Атлетико” 1:1
Голлар: 1:0 – 20 Браим Диас, 1:1 — 90+3 Льоренте.
“Реал Мадрид”: Лунин, Карвахаль, Начо, Менди, Кроос, Вальверде, Камавинга, Беллингҳем, Васкес, Браим Диас (Хоселу, 71), Родриго (Модрич, 76).
“Атлетико”: Облак, Савич, Эрмосо, Витцель, Льоренте, Рикельме (Молина, 46), Коке (Корреа, 68), Сауль (Лино, 61), Де Пол (Барриос, 61), Гризманн, Мората (Депай, 61).
Огоҳлантиришлар: Сауль (37), Эрмосо (38), Коке (82).