"Манчестер Юнайтед" жамоаси мураббийлар Антонио Конте ва Хулен Лопетегига қизиқиш билдирмоқда.
Caughtoffside берган хабарга кўра, клуб раҳбарияти мутахассислар билан музокаралар олиб борган ва "қизил иблислар"нинг амалдаги бош мураббийи Эрик тен Хаг истеъфога чиқарилган тақдирда уларни мос вариантлар деб ҳисобламоқда.
Шу билан бирга, "Манчестер Юнайтед"нинг янги раҳбарияти тен Хагни ишдан бўшатишга шошилмаяпти ва нидерландиялик мутахассисга вазиятни тўғирлаш учун вақт беришга тайёр.
"Манчестер Юнайтед' 23 турдан кейин 38 очко билан АПЛ турнир жадвалида олтинчи ўринни эгаллаб турибди.
