Мадриднинг "Реал" клуби бош мураббийи Карло Анчелотти "Атлетико"га қарши Испания Ла Лигасининг 23-тур учрашувидаги (1:1) дурангдан сўнг жамоа дарвозабони Андрей Луниннинг ўйини ҳақида фикр билдирди.
"Мен ундан жуда яхши ўйин кўрдим, у Гризманннинг зарбасидан кейин сейв қилди, ўйин давомида бизни кўп қутқарди. Андрей ўз ишини жуда яхши бажарди", - деди Анчелотти MadridUniversal билан суҳбатда.
Эслатиб ўтамиз, Испания Ла Лигасининг 23-тури доирасида "Реал" – "Атлетико" учрашуви бўлиб ўтди. "Лос-Бланкос" Диего Симеоне шогирдлари билан 1:1 ҳисобида дуранг ўйнади.
