Германиянинг «Ҳанновер» клуби бош мураббийи Мирко Сломка Европа лигасининг 1/16 финал «Анжи»га қарши ўйини борасида ўз фикрларини билдириб ўтди.

«Бугун қизиқарли ўйин бўлди. Учрашувни анча хотиржам бошладик ва бунинг эвазига гол ҳам киритгандик. Тахминимча, гол киритишимиз сизни ҳам ажаблантириб қўйган. Аммо бу бизнинг мақсадимиз эди. Рақибни ҳайрон қолдириш натижасида уларнинг ўйинида пала-партишлик юзага келтирмоқчи эдик».

«Анжи»да жуда кучли футболчилар йиғилган. Жамоавий ўйинга жуда тех мослаша оладиган индивидуал кучли футболчилар бор. Рақибнинг ажойиб тактикаси ва футболчиларнинг ўйинга бўлган руҳий тайёргарлиги ҳайратланарли даражада дейиш мумкин. Биринчи бўлим сўнггига келиб бу ҳолат бизни хафа қила бошлаганди».

«Иккинчи бўлимда «Анжи» ҳужумга кўпчиликлашиб ўта бошлади ва натижада тезкор гол ўтказиб юбордик. Шундан кейин биз жуда яхши вазиятни қўлдан бой бердик. Шуни айтишим мумкинки, «Анжи» ақлга сиғмайдиган даражада кучли клуб».

«Кўп жиҳатларда муваффақиятсиз ҳаракат қилдик. Биз олдинга тез-тез ўтганимиз билан ажойиб вазиятларни қўлдан бой бердик. Умид қиламизки, ўз уйимизда «Анжи»га қарши жанг ташкил қилиб бера оламиз. Биз таслим бўлмаймиз», дея мураббийнинг сўзларидан иқтибос келтирмоқда «Sports.ru» интернет нашри.