Лондоннинг "Тоттенхэм" клуби ёзги трансфер ойнасида ўз сафига янги вингерни таклиф қилмоқчи.
Журналист Пол О’Кифнинг ёзишича, "шпорлар" "Вулверхэмптон" футболчиси Педру Нету ва "Барселона" футболчиси Рафинья Диасни танлашмоқда.
Иккинчиси аввал Англияда "Лидс" таркибида ўйнаган. Аввалроқ, "Барселона" Рафиньяни шу ёзда сотиш ниятида экани ҳақида хабарлар тарқалган эди. Нету, эҳтимол, кейинги трансфер бозорида мавжуд бўлади. 27 ёшли Рафинья Испания Ла Лигасининг ушбу мавсумида 3 та гол урди ва 5 та голли узатмани амалга оширди. 23 ёшли Нету жорий АПЛда 2 та гол ва 8 та голли узатмага эга.
