"Челси", "Реал", "Рома" ва бошқа жамоаларнинг собиқ бош мураббийи Жозе Моуриньо "Ал-Наср" ҳужумчиси Криштиану Роналдуни туғилган куни билан табриклади.
Португалиялик юлдуз футболчи 5 февраль куни 39 ёшга тўлди. Моуриньо ўзининг ижтимоий тармоғида "Реал Мадрид"да ишлаган вақтида Криштиану билан бирга бўлган бир нечта суратларни жойлаштирди ва "Туғилган кунинг билан" деб уларни изоҳлади.
Иккала португалиялик 2010 йилдан 2013 йилгача “Реал”да бирга ишлаган. Бу вақт ичида улар 2011/12 йилги мавсумда Испания чемпионлиги, 2010/11 йилги мавсумда мамлакат кубоги, 2012 йилги Испания Суперкубогини қўлга киритишди.
Ҳозирда Моуриньо ишсиз, Роналду эса Саудия Арабистонининг “Ан-Наср” клубида ўйнамоқда.
