"Бавария" ҳимоячиси Эрик Дайер ҳужумчи Харри Кейн унга жамоага қўшилиб кетишига қандай ёрдам бергани ҳақида гапириб берди. Эслатиб ўтамиз, иккала футболчи аввал Лондоннинг "Тоттенхэм"и ва Англия терма жамоасида бирга ўйнашган.
"Кейн ҳақиқатан ҳам "Бавария"га мослашишимга ёрдам берди. У мослашиш жараёнини имкон қадар осонлаштирди. Барча жамоадошларим менга ажойиб муносабатда бўлишди, бунинг учун мен жуда миннатдорман. Қаерда бўлишдан қатъий назар, мен доим ўйнашни хоҳлайман. Мен майдонга тушишга тайёр эдим ва сўнгги икки ўйинда имкониятга эга бўлдим", - деди 30 ёшли Дайер Bild нашрига.
"Бавария" Эрикни мавсум охиригача ижарага олди, аммо инглизнинг "Тоттенхэм" билан шартномаси ёзда тугайди.
