"Бавария" ҳужумчиси Харри Кейн Бундеслигада бир мавсумда гол уриш бўйича мюнхенликларнинг собиқ ҳужумчиси Роберт Левандовскининг рекордини янгилаш имкониятларини баҳолади. Польяк 2020/21 йилги мавсумда 41 та гол урди. Робертнинг рекордини такрорлаш учун Кейн қолган 14 турда 17 та гол уриши керак.
"Мен ҳар доим ўзимга ишонганман ва Премьер-лигада ҳам бир мавсумда кўп гол урганман. Бундеслигада ҳам шундай қилишни хоҳлардим, лекин мавсумнинг ушбу босқичида ўз ҳисобимга бунчалик кўп гол ёздириб қўйишимни тасаввур ҳам қилмагандим. Сиз мени биласиз, мен ўзимга чегара қўйишни ёқтирмайман. Мен рекордлар ҳақида ўйламасликка ҳаракат қиламан, лекин улар машаққатли меҳнат натижасидир. Мен ҳозир бор эътиборимни қисқа муддатли мақсадларга қаратяпман, лекин агар рекордга яқинлашсам, албатта, уни янгилашни хоҳлайман”, деди Кейн PA Media нашрига.
