"Интер" спорт директори Жузеппе Маротта клуб "Наполи" ярим ҳимоячиси Пётр Зелиньски билан музокарага киришганини айтди.
29 ёшли польякнинг неаполликлар билан шартномаси шу йилнинг июнь ойида якунига етади, футболчи бошқа клублар билан музокара олиб бориши мумкин.
"Биз "Наполи"га Зелиньскини эркин агент сифатида клубимизга ўтказиш бўйича музокараларни бошлаганимизни маълум қилдик", - дея Маротта сўзларини келтиради DAZN.
Журналист Николо Скиранинг хабар беришича, “Интер” футболчига 2027 йилнинг июнь ойи охиригача йилига 4,5 миллион евро маош билан шартнома таклиф қилган.