Каталониянинг "Барселона" клуби жорий мавсум охирида камида икки футболчиси билан хайрлашади. Sport.es хабарига кўра, чап қанот ҳимоячиси Маркос Алонсо ва жамоа сардори бўлган ярим ҳимоячи Серхи Роберто "блауграна"ни тарк этади.
Эслатиб ўтамиз, Алонсо ва Роберто "Барселона"ни мавсум охирида шартномалари тугаши сабабли тарк этишади. Раҳбарият Маркос ва Серхи янги келишувга лойиқ бўлиши учун ҳеч қандай сабаб кўрмаяпти.
Шу сабабдан клуб бу футболчилар билан хайрлашишга қарор қилди. Эслатиб ўтамиз, Роберто бутун фаолияти давомида "Барселона"да ўйнаган. Алонсо жамоага 2022 йилнинг ёзида "Челси"дан ўтган эди.
