Машҳур италиялик ҳужумчи Марио Балотелли "Интер" ярим ҳимоячиси Хоқон Чалханоглунинг қобилиятига юқори баҳо берди. "Адана Демирспор" футболчисининг фикрига кўра, "нерадзурри" ярим ҳимоячиси жаҳон футболидаги ўз позициясида энг яхшилардан бири.

“Чалханоглу дунёнинг энг зўри эмас, лекин у шубҳасиз кучли учликка киради. Мен ҳар доим унинг тарафида бўлганман, уни ажойиб ўйинчи деб ўйлардим, лекин уни энг яхши деб айтишга ҳали эрта, чунки масалан, Лука Модрич билан солиштириш мумкин. Агар сиз Чалханоглу ва Родридан бирини танласангиз, мен туркнинг исмини қўяман", - дейди Балотелли.

Жорий мавсумда Хоқон Чалханоглу “Интер” сафида 27 та ўйинда 11 та гол урди ва 3 та голга ассистентлик қилди.