"Челси" бош мураббийи Маурисио Почеттино Англия кубоги доирасида "Астон Вилла"га қарши ўйин олдидан жамоанинг ўтган мавсумга нисбатан АПЛдаги мавқеи яхшилангани ҳақида фикр билдирди.

"Ўтган мавсумни 12-ўринда якунлаган мен эмас эдим. Ҳа, бу "Челси"да бўлган эди, аммо ҳозир бизда бутунлай бошқача таркиб, кўп ўзгаришлар бор. Агар бизга зарар етказмоқчи бўлсангиз, бу таққослашларни қилишингиз мумкин, лекин менимча, бу ноўрин. Вазиятни таҳлил қилсангиз, яхши ёки ёмонроқ бўлди деб ўйламайман. Таққослаш қийин, чунки ҳозир бизда бутунлай бошқа лойиҳа бор", — дейди Почеттино.

"Челси" Англия Премьер-лигасининг аввалги мавсумида 12-ўринни эгаллади ва мавсум давомида учта мураббийни алмаштирди.