"Chelsi" bosh murabbiyi Maurisio Pochettino Angliya kubogi doirasida "Aston Villa"ga qarshi o‘yin oldidan jamoaning o‘tgan mavsumga nisbatan APLdagi mavqei yaxshilangani haqida fikr bildirdi.
"O‘tgan mavsumni 12-o‘rinda yakunlagan men emas edim. Ha, bu "Chelsi"da bo‘lgan edi, ammo hozir bizda butunlay boshqacha tarkib, ko‘p o‘zgarishlar bor. Agar bizga zarar yetkazmoqchi bo‘lsangiz, bu taqqoslashlarni qilishingiz mumkin, lekin menimcha, bu noo‘rin. Vaziyatni tahlil qilsangiz, yaxshi yoki yomonroq bo‘ldi deb o‘ylamayman. Taqqoslash qiyin, chunki hozir bizda butunlay boshqa loyiha bor", — deydi Pochettino.
"Chelsi" Angliya Premyer-ligasining avvalgi mavsumida 12-o‘rinni egalladi va mavsum davomida uchta murabbiyni almashtirdi.
