"Аякс" ярим ҳимоячиси Жордан Хендерсон марказий ҳимоячи Йоррел Хатонинг истиқболига баҳо берди. 17 ёшли нидерландиялик футболчига аллақачон топ-клублар қизиқиш билдиришган, бироқ у "Аякс"да тажриба орттиришда давом этмоқда ва у жорий мавсумда асосий таркибда ажралмас футболчига айланди.

“Хато жуда ёш бўлишига қарамай, етук кўринади ва бу майдонда ҳам, ундан ташқарида ҳам кўринади. Ишончим комилки, Йоррелни ёрқин келажак кутмоқда. У жуда кўп ишлайди. У шунчаки шундай давом этиши керак”, - деди Хендерсон “Аякс” расмий сайтига берган интервьюсида.

Йоррелл Хато жорий мавсум “Аякс” сафида 29 та ўйинда майдонга тушиб, 1 та гол ва 3 та голли узатмага муаллифлик қилган.