Мадриднинг “Реал” клуби собиқ дарвозабони Мигель Анхель 76 ёшида вафот этди, деб хабар бермоқда клуб матбуот хизмати. Ўлим сабаблари аниқланмаган.
"Реал Мадрид" Мигель Анхелни жамоа тарихидаги энг буюк дарвозабонлардан бири, клуб ва испан футболи афсонаси деб атади. Футболчи сифатидаги 18 мавсумдан сўнг (1968-1986) "Қироллик клуби"да дарвозабонлар мураббийи, делегат ва машғулот мажмуаси директори лавозимларида ишлаган.
"Реал Мадрид" таркибида Мигель Анхель олти марта Испания чемпиони бўлди, беш марта Испания кубогини қўлга киритди ва 1985 йилда УЕФА кубогини қўлга киритди.
Мигель Анхель (324) дарвозабон сифатида “Реал” сафида энг кўп ўйин ўтказган Икер Касиляс (725) ва Пако Буё (439)дан кейин учинчи ўринда туради. У Испания терма жамоасида ҳам 18та ўйин ўтказган (1975-1982).
