"Манчестер Юнайтед" "Копенгаген" ярим ҳимоячиси Руни Бардажини сотиб олиш вариантини кўриб чиқмоқда.
Sun Sport хабарига кўра, "манкунианликлар" 18 ёшли швед футболчисини келаси ёзда сотиб олишга ҳаракат қилишлари мумкин.
Эслатиб ўтамиз, Руни жорий мавсумда ЕЧЛ гуруҳ босқичида “Манчестер Юнайтед” билан тўқнаш келган.
Ярим ҳимоячи "манкунианликлар" дарвозасига гол урди ва “Копенгаген”га инглизларни Чемпионлар лигасидан чиқариб юборишига ёрдам берди.
Эслатиб ўтамиз, аввалроқ Рунига Лондоннинг "Челси", Туриннинг "Ювентус" ва Каталониянинг "Барселона" клублари қизиқаётгани ҳақида хабарлар тарқалган эди.
Жорий мавсумда Бардажи Дания чемпионатида 7 та гол урди.
