Иқтидорли ярим ҳимоячи Габри Вейга ўтган ёзда "Ал-Аҳли"га ўтишга қарор қилиб, кўпчиликни ҳайратда қолдирди. Саудия Арабистонидаги бир мавсумдан сўнг футболчи Европага қайтиши мумкин. Todofichajes хабарига кўра, "Челси" Вейга учун курашга қўшилган. Лондон клуби 40 миллион евролик таклиф тайёрламоқда. Бу миқдор “Ал-Аҳли”ни испанияликни сотишга кўндириш учун етарли бўлиши керак.
Манбанинг таъкидлашича, Габри Вейга нафақат "Челси"ни қизиқтирмоқда. Футболчи "Барселона", "Манчестер Юнайтед" ва "Реал Мадрид" каби клубларнинг радарида.
2023/2024 йилги мавсумнинг 18 та ўйинида Вейга 4 та гол урди ва шериклари учун 4 та голли узатмани амалга оширди.