"Реал" вингери Винисиус Жуниор "Атлетико"га қарши ўйин олдидан олган жароҳатини даволаб сафга қайтди. Журналист Мельчор Руизнинг хабарига кўра, бразилиялик "қироллик клуби"нинг бугунги машғулотида иштирок этган.
Маълум бўлишича, Винисиус Испания Ла лигасининг навбатдаги тури марказий ўйинида "Жирона"га қарши майдонга тушиш учун яхши имкониятга эга.
Эслатиб ўтамиз, аввалроқ марказий ҳимоячи Начо Фернандес “Жирона”га қарши ўйинни ўтказиб юбориши мумкинлиги ҳақида хабар берилганди. Яна бир марказий ҳимоячи Антонио Рюдигер ҳам “Атлетико”га қарши ўйинни сон жароҳати туфайли ўтказиб юборганлиги сабаб шубҳа остида.
Винисиус жорий мавсум Ла Лигада 6 та гол урди ва 2 та голли узатмани амалга оширди.
