Америкалик ярим ҳимоячи Кристиан Пулишич ўзининг ҳозирги яшаётган шаҳри Миланни аввалги шаҳри Лондонга қараганда анча ёқимли деб ҳисоблайди. Пулишич ўтган ёзда "Милан"га кўчиб ўтди, у илгари "Челси"да ўйнаган:
"Бу ерда ҳаёт Лондондан фарқли ўлароқ, янада таъсирчан ва енгил. Одамлар Германиядан кўра дўстона. Бу ерда мени қабул қилишлари менга ёқади. Жуда ёқади. Маҳаллий футбол муҳитини Европадаги энг яхшиси деб айтган бўлардим. Мен итальян тилини ҳам ўрганяпман. Мураббий айтган ҳамма нарсани аллақачон тушуняпман”, - дея Кристиан Пулишичнинг сўзларини келтиради pianetamilan.it.
