"Манчестер Юнайтед" бош мураббийи Эрик тен Хаг яқин орада ўзини кўрсатиш имкониятига эга бўлди.
Миш-мишларга кўра, клубнинг янги хўжайинлари яқинда мураббий алмашиш имкониятини кўриб чиқаётганди ва нидерландиялик мураббий ўрнига номзодларни ўрганишаётгани қайд этилганди. Бироқ, журналист Стив Бейцнинг сўзларига кўра, "Манчестер Юнайтед" тен Хаг билан хайрлашмоқчи эмас. Мутахассис оғир шароитларда клубни яхши бошқаргани учун ишончга эга бўлди. Жамоа жорий мавсум якунида омадсизликка учраган тақдирдагина мураббийни истеъфога чиқариш масаласи долзарб бўлади.
Эрик тен Хаг "Манчестер Юнайтед"да 2022 йилнинг ёзидан бери ишламоқда. Мураббийнинг амалдаги шартномаси 2025 йилнинг ўрталарига қадар тузилган.
