"Борнмут" "Лидс" билан ушбу мавсумда "гилослар"да ижара асосида тўп сураётган ҳужумчи Луис Синистеррани сотиб олиш борасида келишиб олди.
Журналист Фабрицио Романонинг ёзишича, "Борнмут" колумбиялик футболчини сотиб олиш учун "товуслар"га 23 миллион евро тўлаган. Манбанинг қўшимча қилишича, келишув бугун расман эълон қилиниши керак.
Синистерра "Борнмут" билан доимий шартнома имзолашга қарор қилди, чунки клуб Премьер-лига турнир жадвалида 12-ўринда ва элитада жон сақлаб қолиш учун яхши имкониятга эга.
Эслатиб ўтамиз, жорий мавсумда у Англия чемпионатида иккита гол урди ва иккита голли узатмани амалга оширди.
