Каталониянинг "Барселона" клуби ёзда "Байер" бош мураббийи Хаби Алонсо билан шартнома имзоламоқчи.

Mundo Deportivo нашри хабарига кўра, "кўк-анорранглилар" раҳбарияти мавсум якунида жамоани тарк этадиган Хави Эрнандеснинг ўрнига мутахассис таклиф қилмоқчи.

Эслатиб ўтамиз, Алонсо бошчилигидаги Леверкузеннинг “Байер” клуби жорий мавсум Германия Бундеслигасида “Бавария”дан икки очко фарқ билан пешқадамлик қилмоқда.

Яқинда Хабига Юрген Клопп кетганидан сўнг мавсум охирида бош мураббийсиз қоладиган "Ливерпул"га тайинланиши ҳақида хабарлар тарқалган эди.