Бразилия олимпия терма жамоасида тўп тепадиган “Реал Мадрид”нинг бўлажак футболчиси Эндрикнинг Олимпия ўйинлари саралаш баҳсида венесуелалик мухлислар томонидан ирқий ҳақоратга учради. Бразилияликлар 2:1 ҳисобида зафар қучди.

“CBF Эндрикнинг оила аъзоларига нисбатан содир этилган ирқчилик ҳаракатларини қоралайди.

Рақиб жамоа либосларини кийган мухлислар намойишлари, хусусан, Эндрикнинг отаси Дуглас Рамосга қарши қаратилган эди. Улар маймунларга тақлид қилиб имо-ишоралар қилишди.

Ушбу эпизоддан хабардор бўлиши билан Бразилия терма жамоасининг Венесуеладаги делегацияси раҳбари Даниел Васконселос CBF президенти Эдналдо Родригес номидан футболчи ва унинг оиласи билан бирдамлигини билдирди", - дея хабар беради Бразилия Футбол Конфедерацияси (CBF) баёнотида.

Ушбу ғалабадан сўнг Бразилия U-23 терма жамоаси уч очкога эга бўлди. Жамоа якуний гуруҳда иккинчи ўринни эгаллаб турибди.

Парагвай икки ўйиндан кейин тўрт очко жамғарган ҳолда пешқадамлик қилмоқда.