Харри Кейн совринлар камлиги ва "Бавария"нинг Бундеслигадаги 2-ўрни ҳақида гапирди.
"Бавария" кетма-кет 11 мавсум Германия чемпионига айланди. Ҳозир Мюнхен клуби ушбу жамоалар ўртасидаги 10 февраль куни бўлиб ўтадиган ўйин олдидан "Байер"дан 2 очко ортда қолмоқда.
“Мен жамоавий совринларни қўлга киритишни хоҳлаётганимни аниқ айтдим, бу менинг фаолиятимга ҳозирча етишмаётган нарса.
Лекин ҳар доимгидек ваҳима қилмайман, нима бўлишидан қатъий назар хотиржамликни сақлайман, жамоам учун қўлимдан келганини қилишда давом этаман ва шанба куни ғалаба қозонамиз деган умиддаман", - деди "Бавария" ҳужумчиси Кейн.
Энг юқори даражада, Кейн ўз клублари ёки Англия терма жамоаси билан ҳеч қандай соврин ютмаган. У 4 та финалда иштирок этган.
