"Милан"дан ижара асосида "Болонья"да ҳаракат қилаётган Алексис Салемакерсни болоньяликлар тўлиқ сотиб олиши мумкин. Николо Скира хабарига кўра, тўлиқ трансфер Тьяго Мотта жамоасига тахминан 9 миллион еврога тушади.
Бу ўтган йилга нисбатан катта молиявий йўқотишларга учраган "Милан" учун муҳим молиявий ёрдам бўлади.
Ҳозир "Болонья" Италия А серияси чемпионати турнир жадвалида олтинчи ўринни эгаллаб турибди, якшанба куни жамоа навбатдаги йигирма тўртинчи турда "Лечче" билан ўйнайди.