"Удинезе" спорт директори Федерико Бальдзаретти Лазар Самарджичнинг кетиши мумкинлиги ҳақидаги маълумотга изоҳ берди.
Январь ойида Италия ОАВлари сербиялик футболчининг "Ювентус"га ўтиши муваффақиятсизликка учрагани ҳақида хабар берган эди. Эндиликда "кекса синьора" томонидан қизиқиш ҳақидаги маълумотни "Удинезе" ҳам тасдиқлади: "Ювентус" Самарджичга қизиқиш билдирмоқда. Шунингдек, Англия Премьер-лигаси ва Германия Бундеслигаси клублари унга даъвогарлик қилмоқда", - деди Бальдзаретти Tuttosport нашрига берган интервьюсида.
Transfermarkt экспертларининг фикрича, Лазар Самарджичнинг нархи 20 миллион еврони ташкил қилади. 21 ёшли футболчи жорий мавсум А Серияда “Удинезе” сафида 21 та ўйинда майдонга тушиб, 3 та гол урди ва 2 та голли узатмани амалга оширди.
