"Барселона" спорт директори Деку Жоау Феликс ва Жоау Канселунинг келажаги ҳақида маълумот берди.
Ҳужумчи ва ҳимоячи ҳуқуқи мос равишда “Атлетико Мадрид” ва “Манчестер Сити”га тегишли. Хабарингиз бор, "Барселона" иккала португалияликни ҳам сотиб олмоқчи, аммо клубнинг иқтисодий қийинчиликлари келишувни амалга оширишга тўсқинлик қилиши мумкин.
“Феликс биз молиявий фейр-плей қоидаларига риоя қилишимиз учун маошни камайтиришга рози бўлди. Жорий мавсумда бир қанча ўйинларда ҳам бизга ёрдам берди. Унинг клубдаги келажаги, худди Канселуни сингари, бизнинг имкониятларимизга боғлиқ бўлади", - деди Деку.
