"Челси" бош мураббийи Маурисио Почеттино жамоа футболчиларида тажриба камлиги ҳақида ўз фикрлари билан ўртоқлашди.
Ўтган йили "кўклар" кўплаб ёши катта футболчилар билан хайрлашиб, уларнинг ўрнига ёш футболчиларни қўлга киритишди. Аргентиналик мураббийнинг фикрича, жамоанинг муаммоси футболчиларнинг ўртача ёшида эмас.
“Мен баъзи футболчиларни ёшлиги учун айбламайман. Мен Англиянинг энг ёш жамоасини бошқарадиган мураббий бўлишни хоҳламайман.
Ҳа, “Челси”да ёш таркиб бор, аммо биз мувозанатни сақлаб турамиз. 39 ёшли Тьяго Силва, шунингдек, Рахим Стерлинг, Кристофер Нкунку, Аксел Дисаси каби тажрибали футболчилар бор.
Муаммо футболчиларнинг ёшлигида эмас, балки жамоанинг ёшлигида - бизда 16-17 нафар янги келганлар бор, шунинг учун ҳаммасини нолдан қуришимиз керак", - дея Почеттино сўзларини келтиради Standard.
