"Chelsi" bosh murabbiyi Maurisio Pochettino jamoa futbolchilarida tajriba kamligi haqida o‘z fikrlari bilan o‘rtoqlashdi.
O‘tgan yili "ko‘klar" ko‘plab yoshi katta futbolchilar bilan xayrlashib, ularning o‘rniga yosh futbolchilarni qo‘lga kiritishdi. Argentinalik murabbiyning fikricha, jamoaning muammosi futbolchilarning o‘rtacha yoshida emas.
“Men ba’zi futbolchilarni yoshligi uchun ayblamayman. Men Angliyaning eng yosh jamoasini boshqaradigan murabbiy bo‘lishni xohlamayman.
Ha, “Chelsi”da yosh tarkib bor, ammo biz muvozanatni saqlab turamiz. 39 yoshli Tyago Silva, shuningdek, Raxim Sterling, Kristofer Nkunku, Aksel Disasi kabi tajribali futbolchilar bor.
Muammo futbolchilarning yoshligida emas, balki jamoaning yoshligida - bizda 16-17 nafar yangi kelganlar bor, shuning uchun hammasini noldan qurishimiz kerak", - deya Pochettino so‘zlarini keltiradi Standard.
