"Бавария" бош мураббийи Томас Тухель "Байер"дан учралган мағлубиятдан сўнг (0:3) Бундеслига регламентидан норозилигини билдирди. Голлардан бирини “доричилар” мюнхенликлар жамоасидан ижарага олган Йосип Станишич киритди.
“Премьер-лиганинг ажойиб қоидаси бор. Агар ўйинчини ижарага берсангиз, у сизга қарши ўйнай олмайди. Бу ҳақиқатан ҳам муҳим. Бу Германияда мавжуд эмаслиги жуда ачинарли. Шу туфайли қийналдик. Шунга қарамай, мен Йосипни табрикладим, чунки у ҳозир “Байер”да ўйнаяпти”, — деди мюнхенликлар бош мураббийи.
"Байер" 55 очко тўплади ва кейинги ўриндаги "Бавария"дан 5 очко олдинда бормоқда.
