"Реал" бош мураббийи Карло Анчелотти "Жирона" билан уй учрашувидан сўнг журналистларга интервью берди. Ла Лиганинг 24-туридан ўрин олган марказий учрашув “қироллик” клубининг 4:0 ҳисобидаги йирик ғалабаси билан якунланди.
“Жамоанинг ўйинини кўрганимдан жуда хурсанд бўлдим. Бу "Реал Мадрид"нинг жорий мавсумдаги энг яхши ўйини бўлди. Футболчиларим ҳимояда ҳам, ҳужумда ҳам яхши ҳаракат қилишди. Рақибга жуда кўп муаммоларни келтириб чиқардик. Ҳимоячиларнинг жароҳати билан боғлиқ муаммолар жамоага қўшимча масъулият юклади", - деди италиялик мутахассис.
"Реал Мадрид" 61 очкога эга ва Ла Лига турнир жадвалида ишонч билан пешқадамлик қилмоқда.
